„რობერტ ფიცომ ხმამაღლა გააჟღერა ბოლო დროინდელი ბრალდებები კაია კალასის მიმართ, რომელიც აშკარად არ ასრულებს ევროპელი ხალხების ნებას“, – განაცხადა „ხალხის ძალის“ საერთაშორისო ურთიერთობების მდივანმა ეკა სეფაშვილმა ევროკომისიის ვიცე-პრეზიდენტის კაია კალასის წინააღმდეგ სლოვაკეთის პრემიერ-მინისტრის რობერტ ფიცოს განცხადების კომენტირებისას.
ეკა სეფაშვილმა ჟურნალისტებთან საუბრისას ხაზი გაუსვა იმას, რომ ფიცოს განცხადება ადასტურებს კალასის მხრიდან გარე ძალების დავალებების შესრულების მზადყოფნას და ამავდროულად იმას, რომ მისი საქმიანობა არ არის მიმართული ევროკავშირის ღირებულებების გაძლიერებისკენ.
„რობერტ ფიცომ ხმამაღლა გააჟღერა ბოლო დროინდელი ბრალდებები კაია კალასის მიმართ, რომელიც აშკარად არ ასრულებს ევროპელი ხალხების ნებას და მოქმედებს სხვა გარე ძალების დავალებით, რომლებიც დაკავებულები არიან მსოფლიოში ასეთი ტიპის არასამართლიანი, არადემოკრატიული, ადამიანის უფლებების და სამართლის შემლახავი ქმედებებით როგორც საქართველოში, ასევე ევროკავშირის ქვეყნებში.
კაია კალასი სწორედ ამ დავალებების შესრულებით არის დაკავებული და არა ევროკავშირის საერთო ღირებულებების და ევროკავშირის განვითარებით“, – განაცხადა ეკა სეფაშვილმა.