მამა კახაბერ გოგოტიშვილი აცხადებს, რომ გუშინდელ შეხვედრაზე, სადაც პატრიარქი დაკავებული დეკანოზის, გიორგი მამალაძის ოჯახს ხვდებოდა, მისი ზიარების საკითხი არ განხილულა, ამიტომ როდესაც ის და მამა დავით ჭინჭარაული დეკანოზს მატროსოვის ციხეში მოინახულებენ, მისი ზიარება არ იგეგმება.
ამის შესახებ მამა კახაბერმა “პრაიმტაიმს” განუცხადა და აღნიშნა, რომ ვერ ხვდება, არასწორი ინფორმაციები რატომ ვრცელდება. სასულიერო პირის თქმით, ჯერეჯერობით არ არის გადაწყვეტილი ზუსტი თარიღი, როდის მოინახულებენ მატროსოვის ციხეში დეკანოზს.
“შეხვედრაზე ითქვა, რომ მამა გიორგის რაღაცის გადაცემა უნდა პატრიარქისთვის. სწორედ ამის გამო ვაპირებთ მის მონახულებას”, – განაცხადა მამა კახაბერმა.
შეგახსენებთ, გუშინ პატრიარქი მამალაძის ოჯახს შეხვდა. დეკანოზის ოჯახის წევრები და ის სასულიერო პირები, ვინც შეხვედრას დაესწრნენ, ერთმანეთისგან ურთიუერთგამომრიცხავ განცხადებებს აკეთებენ. ოჯახის თქმით, ზიარების საკიტხი გადაწყდა, სასულიერო პირები ამბობენ, რომ ეს საკითხი საერთოდ არ განხილულა.