იუსტიციის უმაღლესი საბჭოს მდივნისა და ოთხი ახალი მოსამართლე წევრის ვინაობა დღეს დასახელდება

ამ წუთებში, მოსამართლეთა XXI რიგგარეშე კონფერენციაზე იუსტიციის უმაღლესი საბჭოს მდივანს და საბჭოს 4 წევრ მოსამართლეს ირჩევენ. კენჭისყრა ფარულია და იუსტიციის უმაღლეს სკოლაში მიმდინარეობს. კონფერენციაზე თავდაპირველად, კენჭი ეყრება, იუსტიციის უმაღლესი საბჭოს მოქმედი წევრებისთვის – ლევან მურუსიძის, მერაბ გაბინაშვილის, თამარ ალანიასა და შოთა გეწაძისთვის, ასევე, სადისციპლინო კოლეგიის წევრებისთვის – გიორგი ტყავაძის, შორენა ყაველაშვილისა და შალვა კაკაურიძისთვის უფლებამოსილების შეწყვეტას. ამის შემდეგ კი კონფერენციაზე 4 კანდიდატურა უნდა დასახელდეს, რომელთაგან ორს კენჭი ცალკე ეყრება.
ამასთან, საერთო სასამართლოების შესახებ კანონის თანახმად, 2 ვაკანტურ პოზიციაზე კანდიდატად უნდა დასახელდეს ის მოსამართლე, რომელსაც უფლება აქვს, საბჭოს წევრის თანამადებობასთან ერთად, ეკავოს სასამართლოს თავმჯდომარის, მისი პირველი მოადგილის ან მოადგილის ან სასამართლო კოლეგიის ან პალატის თავმჯდომარის თანამდებობა.