ჩვენ არაფერი არ გვიკვირს, მივიღეთ ის გადაწყვეტილებები, რაც მივიღეთ, რაც ემსახურებოდა ეროვნული ინტერესების დაცვას და დავინახეთ, რომ როდესაც ზოგი ქვეყანა ასე იქცევა, ეძახის ეროვნული ინტერესების დაცვას, მაგრამ თუ არ აწყობს, სტრატეგიული კურსიდან გადახვევას, – განაცხადა გადაცემაში „იმედის კვირა“ ევროპასთან ინტეგრაციის საპარლამენტო კომიტეტის თავმჯდომარემ, ლევან მახაშვილმა ევრო ბიუროკრატიაზე საუბრისას.
მისივე თქმით, საქართველოს პოლიტიკა არ იყო გამიზნული იმაზე, რომ სხვა დედაქალაქი ესიამოვნებინა, აქ მთავარი იყო, რომ ქვეყანა გადარჩენილიყო იმავე ტრაგედიებს, რა მდგომარეობაშიც სამწუხაროდ დღეს არის უკრაინა და მოძმე უკრაინელები.
„რუსული იარლიყის მიწებება იყო შეგნებული მცდელობა, რომ აგრესორთან გაკეთებინათ შენი ასოციაცია და როდესაც პოლიტიკური დისკუსიები მიმდინარეობდა შენი სახელის და რეპუტაციის დისკრედიტაცია მომხდარიყო. ეს იყო ამ პროცესის მთელი ანატომია. ამაზე ამერიკის ახალმა ადმინისტრაციამაც ძალიან მკაფიოდ გააკეთა თუ რა იყო რუსული იარლიყის მიწებების მიზეზი. ერთადერთი მიზეზი, რომ მომხდარიყო შენი პოზიციის, რეპუტაციის, სახელის და იმიჯის დისკრედიტაცია“, – აღნიშნა ლევან მახაშვილმა.