პეტრე მამრაძე პარტია „ერთიან ნეიტრალურ საქართველოს“ შეუერთდა.
მამრაძე მიიჩნევს, რომ პარტია „ნეიტრალური საქართველო“ ეროვნული ინტერესების დამცველ, ოპოზიციურ ძალას წარმოადგენს.
პეტრე მამრაძე ამბობს, რომ ნებისმიერ სახელმწიფოში ეროვნული ინტერესების დამცველი კონსტრუქციული ოპოზიციის არსებობა დემოკრატიის განვითარების, კორუფციასთან ბრძოლის, სწორი საგარეო და საშინაო პოლიტიკის განხორციელების აუცილებელი პირობაა. ასეთი ოპოზიცია კი ამ დრომდე არ არსებობდა.
„სამწუხაროდ, საქართველოში ობიექტური მიზეზების გამო, ცხადია, ვერ ჩამოყალიბდა ოპოზიცია. მის ნაცვლად არიან ანტიქართული, ანტიეროვნული ძალები, რომლებიც უტევენ ხელისუფლებას. ხელისუფლებას ნაცვლად ოპოზიციასთან კონკურენციისა, რაც იქნებოდა ძალიან სასარგებლო ჩვენი ქვეყნისთვის, უწევს ამ იერიშების მოგერიება, შეტევების“, – განაცხადა პეტრე მამრაძემ.