ირანში პრო-რეჟიმის მხარდამჭერები უზენაესი ლიდერის, ალი ხამენეის დაკარგვას გლოვობენ. ქვეყნის ხელისუფლებამ მისი მკვლელობის შემდეგ 40-დღიანი გლოვა გამოაცხადა.
გარდა ამისა, ოფიციალური გადაწყვეტილებით, სკოლები ერთი კვირის განმავლობაში დაიხურა.
ამავდროულად, ერაყის შვიდმა პროვინციამ, მათ შორის ბასრამ, ქარბალამ და ნაჯაფმა, გლოვის დღე გამოაცხადეს.
პარალელურად, ირანი აგრძელებს სარაკეტო და დრონებით შეტევებს ისრაელისა და სპარსეთის ყურის ქვეყნების მიმართულებით. სხვადასხვა წყაროს ცნობით, ცალკეულ ლოკაციებზე დაზიანდა აეროპორტები, სამხედრო ობიექტები და საცხოვრებელი შენობები; ვრცელდება ინფორმაცია მსხვერპლის შესახებაც.
ვითარება მთელი ღამის განმავლობაში დაძაბული იყო და რეგიონში ესკალაციის საფრთხე კვლავ მაღალი რჩება.
კომენტარები