ისრაელის თავდაცვის ძალებმა 1 მარტს განაცხადეს, რომ ისრაელის დარტყმების შედეგად 40 ირანელი მეთაური დაიღუპა, მათ შორის ირანის არმიის გენშტაბის უფროსი აბდულრაჰიმ მუსავი.
„პრევენციული ოპერაციის დაწყებისთანავე, ისრაელის საჰაერო ძალებმა გაანადგურეს 40 მაღალი რანგის მეთაური – ეს არის ისტორიული დარტყმა, რომელიც ისრაელის თავდაცვის ძალების სადაზვერვო მონაცემების წყალობით გახდა შესაძლებელი“, – ნათქვამია „ცაჰალის“ განცხადებაში.
პრესსამსახურში აღნიშნეს, რომ ისრაელის დარტყმების შედეგად დაიღუპა ირანის უსაფრთხოების უმაღლესი ხელმძღვანელობის 7 წევრი, რომლებიც თეირანის რამდენიმე წერტილში იყვნენ შეკრებილები. ცაჰალის მტკიცებით, მათ გაანადგურეს „ირანის ხელმძღვანელობის მაღალი რანგის სამხედრო მოხელეების უმრავლესობა“.
ირანის ხელისუფლებას ჯერჯერობით არ გაუვრცელებია ინფორმაცია იმის შესახებ, თუ რამდენი სამხედრო დაიღუპა ისრაელის დარტყმების შედეგად. ოფიციალურმა თეირანმა მხოლოდ მუსავის დაღუპვის ფაქტი დაადასტურა.