შინაგან საქმეთა მინისტრის, გიორგი მღებრიშვილის ბრძანებით, განისაზღვრა პოლიციის სარგებლობაში არსებულ შესაბამისი ამოსაცნობი ნიშნების არმქონე ავტოსატრანსპორტო საშუალებაზე ავტომატური ფოტო და ვიდეოტექნიკის, არასტაციონარული (მოძრავი) სიჩქარის გამზომი ხელსაწყოს განთავსებისა და გამოყენების, აგრეთვე, მონაცემთა დამუშავების პირობები და პროცედურები, კერძოდ, როგორც ,,კვირას“ სამინისტროდან აცნობეს უკონტაქტო პატრულირება შეზღუდული რაოდენობის საგზაო მონაკვეთზე განხორციელდება. მას საქართველოს შინაგან საქმეთა სამინისტროს ერთობლივი ოპერაციების ცენტრის მოსამსახურე განახორციელებს.
სამოქმედო ტერიტორია საპატრულო პოლიციის დეპარტამენტის დირექტორის მიერ დასაბუთებული ბრძანების საფუძველზე განხორციელდება, რომელიც გასაცნობად და აღსასრულებლად გაეგზავნება ცენტრს და სამინისტროს ოფიციალურ ვებგვერდზე დაიდება.
უკონტაქტო პატრულირების განხორციელების შესახებ გამაფრთხილებელი ინფორმაცია მიეთითება შესაბამისი საგზაო მონაკვეთის შესასვლელსა და გამოსასვლელში, თვალსაჩინო ადგილას, შესაბამისი ნიშნით.
განისაზღვრა უკონტაქტო პატრულირებისას მოპოვებული მონაცემების/ინფორმაციის დამუშავების პირობები, პროცედურები და შესაბამისი ვადები. ასევე, დამტკიცდა უკონტაქტო პატრულირების განხორციელების შესახებ გამაფრთხილებელი ნიშნების ნიმუშები.
ბრძანება 1 ივლისიდან ამოქმედდება.
შს მინისტრის ბრძანებით უკონტაქტო პატრულირების ადმინისტრირების წესი დამტკიცდა
2017/06/30 10:58:08
კომენტარები
ნანახია: 1475 ჯერ