თურქეთის ტრანსპორტის მინისტრის, აბდულკადირ ურალოღლუს განცხადებით, ხუთშაბათს გამთენიისას, შავ ზღვაში, ბოსფორის სრუტესთან ახლოს, საზღვაო დრონის დარტყმის შედეგად, რუსული ნედლი ნავთობით დატვირთულ თურქულ ტანკერზე აფეთქება მოხდა.
თურქი მინისტრის თქმით, ერთ-ერთი მსგავსი ინციდენტი, რომელიც რუსეთის პორტებისკენ მიმავალ ან იქიდან მომავალ დასავლეთის მიერ სანქცირებულ გემებს შეემთხვათ, ბოლო თვეებშიც დაფიქსირდა.
ურალოღლუმ აღნიშნა, რომ სიერა-ლეონეს დროშის ქვეშ მცურავ ტანკერი „Altura“ შავ ზღვაში, ბოსფორიდან დაახლოებით 18 საზღვაო მილის დაშორებით დაზიანდა. ბოსფორის სრუტე წარმოადგენს საკვანძო სანაოსნო არხს, რომელიც შავ ზღვას ხმელთაშუა ზღვასთან აკავშირებს.
შემთხვევის ადგილზე დაუყოვნებლივ მივიდნენ თურქეთის სანაპირო დაცვისა და სამაშველო სამსახურის გემები. ბორტზე მყოფი ეკიპაჟის 27-ვე წევრი უვნებელია და საფრთხე არ ემუქრება.
გემს ნოვოროსიისკის პორტიდან დაახლოებით 1 მილიონი ბარელი რუსული ნედლი ნავთობი გადაჰქონდა.
გემების ზოგადი მონიტორინგისა და პლატფორმა Refinitiv AIS-ის მონაცემების თანახმად, გემი ევროკავშირისა და დიდი ბრიტანეთის სანქციების ქვეშ იმყოფება. გემის მფლობელი, სავარაუდოდ, ჩინური კომპანია Sea Grace Shipping Ltd-ია და მას თურქული კომპანია Pergamon Denizcilik-ი მართავს.
თურქულ ტელეარხ NTV-ის ცნობით, გემის სამეთაურო ხიდურაზე აფეთქება მოხდა და ძრავის განყოფილებაში წყალი ჩავიდა, რის შემდეგაც ეკიპაჟმა დახმარებისთვის თურქეთის ხელისუფლებას მიმართა.