რუსეთმა ბრიტანელი დიპლომატის ქვეყნიდან გაძევების ბრძანება გასცა, რაც ჯაშუშობის შესახებ მისთვის წაყენებულ ბრალდებას უკავშირდება. რუსეთის ფედერალური უსაფრთხოების სამსახურის (ФСБ) განცხადებით, ბრიტანეთის მოქალაქემ, რუსეთში შესვლისას, ყალბი მონაცემები მიუთითა და ეკონომიკურ საკითხებზე გამართული არაფორმალური შეხვედრების დროს სენსიტიური ინფორმაციის მოპოვებას ცდილობდა.
დიპლომატს აკრედიტაცია უკვე შეუჩერდა და რუსეთის დასატოვებლად ორკვირიანი ვადა მიეცა.
ბრიტანეთის საგარეო უწყების წარმომადგენელმა მოსკოვის ბრალდებებს „აბსურდული“ უწოდა და რუსული მხარე ბრიტანელი დიპლომატების წინააღმდეგ მიმართული „აგრესიული და კოორდინირებული დევნის კამპანიაში“ დაადანაშაულა.
გაძევების ბრძანების გამოცხადების შემდეგ, რუსეთის საგარეო საქმეთა სამინისტროში ბრიტანეთის საქმეთა დროებითი რწმუნებული დაიბარეს. ხანმოკლე შეხვედრის შემდეგ, მან უწყება ყოველგვარი კომენტარის გარეშე დატოვა.
აღნიშნული ფაქტი რუსეთსა და დიდ ბრიტანეთს შორის დიპლომატიური „სამაგიეროს გადახდის“ მორიგი შემთხვევაა.