საქალაქო სასამართლოში დიდი ოდენობით ნარკოტიკული საშუალების შეძენა-შენახვისთვის ბრალდებული მიხეილ თათარიშვილის პროცესი მიმდინარეობს. თათარიშვილმა დეტალურად გაიხსენა მისი დაკავების დეტალები და კიდევ ერთხელ განაცხადა, რომ მას ნარკოტიკი პოლიციამ ჩაუდო:
“ბათუმიდან მოვდიოდით მეგობრები. რიკოთზე გავჩერდით საჭმელად. როცა ველოდებოდით შეკვეთის მოტანას, შემოვარდნენ პოლიციელები. მათ რამე ამოსაცნობი ფორმა არ ეცვათ, არც წარმოუდგენიათ თავი, არც არაფერი უთქვამთ, პირდაპირ მოვარდნენ, მომკიდეს ხელი, გამიყვანეს გარეთ და ჩამტენეს მანქანაში. ამის შემდეგ წამიყვანეს თბილისში, პოლიციის მთავარ სამმართველოში. როცა გარეთ გამომიყვანეს ვიტრიალეებდი ჯიბეებს, ვყვიროდი, მინდოდა ხალხი შესწრებოდა და ენახათ რას აკეთებდნენ. პოლციის სამმართველოში რომ მიმიყვანეს მაშინ გავიგე რომ ნარკოტიკები ამოიღეს, მაგრამ ჩემი არ იყო ნარკოტიკი რომელსაც გამოძიება მედავება”, – განაცხადა მიხეილ თათარიშვილმა.
რაც შეეხება დაზიანებებს, რომელიც მას აღენიშნებოდა, როგორც ბრალდებულმა განმარტა, დაზიანებები პოლიციის მანქანაში ჩასმისას მიიღო.
“მანქანაში ჩატენვის დროს მივიღე დაზიანებები. არ ვჯდებოდი და ერთ-ერთმა პოლიციელმა ჩამარტყა”, – აღნიშნა მიხეილ თათარიშვილმა.
პირველირადიო.გე