რომის პაპი, ლეომ XIV მკაფიოდ ამბობს, რომ კვლავაც გააგრძელებს გამოსვლებს ომის წინააღმდეგ და მშვიდობის სასარგებლოდ. პონტიფიკოსი ასევე აცხადებს, რომ დონალდ ტრამპის მიერ მასზე მიტანილი შეტევის შემდეგ, აშშ-ის პრეზიდენტთან დიალოგში შესვლას არ აპირებს.
„არ მსურს შეერთებული შტატების პრეზიდენტთან დაპირისპირება, თუმცა თავისთავად ცხადია, რომ სახარების გზავნილი შორს არის იმისგან, რასაც ზოგიერთი ადამიანი აკეთებს“, – აღნიშნა ვატიკანის სახელმწიფოსა და რომის კათოლიკური ეკლესიის 267-ე მეთაურმა ჟურნალისტებთან საუბრისას თვითმფრინავში, რომლითაც ის ალჟირში გაემგზავრა.
„მე კვლავაც ხმამაღლა ვისაუბრებ ომის წინააღმდეგ, ხელს შევუწყობ მშვიდობას, დიალოგისა და სამართლიანი გადაწყვეტილებების ძიების გზით“, – დასძინა მან.
როგორც როიტერი იუწყება, პაპმა ეს განცხადება ინგლისურ ენაზე გააკეთა და დასძინა: „ძალიან ბევრი ადამიანი იტანჯება, ძალიან ბევრი უდანაშაულო ადამიანი იღუპება და ვიღაცამ უნდა თქვას, რომ უკეთესი გზა არსებობს“.
დონალდ ტრამპის მხრიდან თავდასხმაზე პაპის პასუხი გაჟღერდა ალჟირისკენ მიმავალ რეისზე, რითაც აფრიკაში მისი 11-დღიანი ტურნე დაიწყო; ლეო XIV-მ აღნიშნა, რომ ქრისტიანობის გზავნილს „არასწორედ იყენებენ“.
პონტიფიკოსის რანგში თავის პირველ სააღდგომო მესაზე, პაპმა ლეომ მსოფლიო ლიდერებს მოუწოდა, აირჩიონ მშვიდობა და არა ომი. 70 წლის ამერიკელმა პაპმა აღდგომის წინა დღეს, დიდ შაბათს, როდესაც ის „ყოვლისშემძლეობის ილუზიაზე“ საუბრობდა, რომელიც ირანში აშშ-ისრაელის ომს აზრდოებს, განაცხადა: „კმარა საკუთარი თავისა და ფულის კერპთაყვანისმცემლობა! კმარა ძალაუფლების დემონსტრირება! კმარა ომი!“.
Πάπας Λέων σε Τραμπ: Θα συνεχίσω να μιλάω χωρίς φόβο κατά του πολέμου