მოლდოვის პატრიარქმა, ბესარაბიის მიტროპოლიტმა პეტრუმ გადადგომის შესახებ განაცხადა. 79 წლის პატრიარქმა გადადგომის მიზეზად „ასაკი, ჯანმრთელობის მდგომარეობა და ეკლესიის ინტერესებიდან გამომდინარე გადაწყვეტილებების მიღების აუცილებლობა“ დაასახელა.
მედიის ცნობით, რუმინეთის მართლმადიდებლური ეკლესიის სინოდი ოთხშაბათს და ხუთშაბათს შეიკრიბება მემკვიდრის დასანიშნად.
ცნობისთვის, მოლდოვაში ორი მართლმადიდებლური საპატრიარქო არსებობს. ერთ-ერთი მათგანია მოლდოვის მართლმადიდებლური ეკლესია, რომელიც მოსკოვის საპატრიარქოს ექვემდებარება, მეორე კი ბესარაბიის მართლმადიდებელი მიტროპოლია, რომელიც რუმინეთის მართლმადიდებლურ ეკლესიას ექვემდებარება. სრული დამოუკიდებლობა არცერთ მათგანს არ აქვს.
საბჭოთა მმართველობის დროს მოლდოვაში ეკლესია რუსეთის მართლმადიდებლური ეკლესიის იურისდიქციის ქვეშ იმყოფებოდა. მას შემდეგ, რაც მოლდოვამ 1991 წელს დამოუკიდებლობა გამოაცხადა, ბესარაბიის მიტროპოლია, რომელიც აღარ ფუნქციონირებდა, აღდგა. პეტრუ მას 1995 წლიდან ხელმძღვანელობდა.