შინაგან საქმეთა მინისტრმა აფგან მუხთარლის საქმესთან დაკავშირებით სპეციალური ბრიფინგი გამართა.
გიორგი მღებრიშვილის თქმით, საქმეზე ასეულობით პირი გამოიკითხა, მათ შორის სამარშუტო ტაქსის მძღოლები, კოლმეურნეობის მიმდებარე ტერიტორიაზე მომუშავე ადამიანები. აფგან მუხთარლის სახლის მიმდებარედ მაცხოვრებელი პირები. მინისტრის თქმით, გამოკითხვების შედეგად რაიმე საეჭვო გარემოება არ დადგენილა. თუმცა გიორგი მღებრიშვილის თქმით იმის გამო რომ მუხთარლის მიერ საზღვრის კვეთა გაურკვეველ ვითარებაში მოხდა, გამოძიების დასრულებამდე, თანამდებობა დატოვეს სასაზღვრო პოლიციის უფროსმა და კონტრდაზვერვის დეპარტამენტის ხელმძღვანელმა.
კომენტარები