აშშ-ის ვაშინგტონის შტატში ტყის ხანძრებს ამ დრომდე ებრძვიან, ქალაქ სპოკენში კი, ხანძრის განზრახ გაჩენის ბრალდებით 37 წლის მამაკაცი დააკავეს. ამის შესახებ „ბიბისი“ წერს.
ვაშინგტონის შტატის ქალაქ სპოკენში ხანძრის შედეგად 700-ზე მეტი საცხოვრებელი სახლი და სხვადასხვა შენობა განადგურდა. მიმდებარე ტერიტორიებიდან დაახლოებით 64 000 ადამიანის ევაკუაცია გახდა საჭირო.
მედიის ცნობით, ეჭვმიტანილი 37 წლის აარონ ფარინაჩი, წარსულში მამის მკვლელობისთვის იყო დაკავებული. სასამართლოს მასალების მიხედვით, 2010 წელს, 21 წლის ასაკში მან საკუთარი მამა ცეცხლსასროლი იარაღით მოკლა.
ამჟამად ვაშინგტონის შტატში ხანძრების ლიკვიდაციას 900-ზე მეტი მეხანძრე ცდილობს.
კომენტარები