რუსეთის პრეზიდენტმა, ვლადიმერ პუტინმა საომარ ზონაში მყოფი ჯგუფების ხელმძღვანელობა შეცვალა. ქვეყნის თავდაცვის სამინისტროს წინადადებით, ზურგის ყველა სამსახური ერთიანი ხელმძვანელობის ქვეშ გაერთიანდება და სამსახურს გენერალ-პოლკოვნიკი, ვალერი სოლოდჩუკი უხელმძღვანელებს.
რუსული მედიის თანახმად, მისი მეთაურობით, „ცენტრის“ მებრძოლებმა კონტროლი დაამყარეს კრასნოარმეისკსა და დიმიტროვზე დონეცკის რეგიონში და მნიშვნელოვანი წინსვლა განახორციელეს დობროპოლიის სექტორში. ის ასევე ხელმძღვანელობდა ოპერაციებს ხარკოვის სექტორში და პასუხისმგებელი იყო კურსკის ოლქის გათავისუფლებაზე.
ცვლილებების მიხედვით, დაჯგუფება „ცენტრი“ გენერალ-პოლკოვნიკ ანდრეი ივანაევის მეთაურობის ქვეშ მოექცევა. გენერალ-ლეიტენანტი პიოტრ ბოლგარევი „ვოსტოკის“ ჯგუფის მეთაურის მოვალეობის შემსრულებელი გახდება. გენერალ-პოლკოვნიკი დენის ლიამინი უხელმძღვანელებს უპილოტო სისტემების ჯარებს.