46 წლის, წარსულში ნასამართლევი პიროვნება შსს-ს საგამოძიებო სამსახურის თანამშრომლებმა სპეცოპერაციის შედეგად ტყიბულის რაიონის სოფელ მანდოკორში დააკავეს. ინფორმაციას Ipress შსს-ზე დაყრდნობით ავრცელებს.
“გამოძიებამ დაადგინა, რომ ბრალდებულმა ქობულეთის რაიონის სოფელ ცეცხლაურში, ურთიერთშელაპარაკების ნიადაგზე, ნაცნობი – გ.ს.-ს დანით დაჭრა და შემთხვევის ადგილიდან მიიმალა. დაჭრილი მამაკაცი საავადმყოფოში მიყვანის შემდეგ გარდაიცვალა.
სამართალდამცველებმა, ჩატარებული სამძებრო და საგამოძიებო ღონისძიებების შედეგად, ს.დ. მომხდარიდან რამდენიმე დღეში, იმერეთში, ახლობლის სახლში დააკავეს“, – ნათქვამია შსს-ს განცხადებაში.
არსებული ინფორმაციით ბრალდებული ჩადენილ დანაშაულს აღიარებს. გამოძიება განზრახ მკვლელობის ფაქტზე სსკ-ს 108-ე მუხლით მიმდინარეობს
კომენტარები