ქურდული სამყაროს წევრობისთვის ბრალდებულებს პატიმრობა შეეფარდათ. სასამართლომ ასეთი სახის აღკვეთის ღონისძიების შეფარდებაზე გადაწყვეტილება ამ წუთებში მიიღო. სრულად დაკმაყოფილდა პროკურატურის შუამდგომლობა.
მოსამართლე რომან ხორავას მტკიცებით, არსებობდა საფრთხე, რომ მოწმეებზე ზემოქმედება მოხდებოდა.
ქურდული სამყაროს წევრობის ბრალდებით სამი პირი სპეცოპერაციის დროს დააკავეს. სპეცოპერაცია ერთდროულად ორ ქალაქში, თბილისსა და რუსთავში ჩატარდა.
გამოძიების ინფორმაციით, ისინი კრიმინალური ავტორიტეტისგან, ზაალ მახარობლიძისგან, მეტსახელად „გლეხოვიჩისგან“ იღებდნენ კონკრეტულ დავალებებს. გარდა ამისა, გამოძიების ინფორმაციით, დაკავებულები დავით და ტარიელ მახარობლიძეები და გიორგი რეხვიაშვილი რუსთავში ერთ-ერთ ბიზნესმენს ფულს სძალავდნენ.
კომენტარები