ასე ხდება ყოველთვის, როდესაც არ ხარ ორიენტირებული საკუთარი ხალხის ინტერესებზე და ორიენტირებული ხარ გარე პატრონებზე, – განაცხადა ევროპასთან ინტეგრაციის კომიტეტის თავმჯდომარის მოადგილემ, თორნიკე ფაღავამ IRI კვლევის შედეგების შეფასებისას, რომელიც ოპოზიციამ დამალა.
მისივე თქმით, ასე ხდება ყოველთვის, როდესაც საპარლამენტო მანდატები ვაჭრობ და როდესაც საკუთარი ამომრჩევლის ნებით მანიპულირებ.
„ამ კვლევამ კიდევ ერთხელ აჩვენა, რომ აგენტების ბედი არის ძალიან ტრაგიკული. მალავდნენ იმიტომ, რომ ეს შედეგები მათთვის არის გამანადგურებელი და დამღუპველი, მალავდნენ იმიტომ, რომ კიდევ ერთხელ გამოჩნდა მათი პოლიტიკური სტრატეგია იყო კატასტროფული“, – აღნიშნა თორნიკე ფაღავამ.
გეგმავს თუ არა IRI კვლევის გამოქვეყნებას, რომელიც ოპოზიციამ დამალა და რომელზეც ოპოზიცია ამბობს, რომ ყალბია – „ქრონიკა“ საერთაშორისო რესპუბლიკური ინსტიტუტის პასუხს ელოდება.