უკრაინის 57 წლის მოქალაქე, რომელსაც ინტერპოლით უზბეკეთის ხელისუფლების მოთხოვნით ეძებდნენ, გერმანიის საზღვართან მდებარე ქალაქ სლუბიცეს სასაზღვრო ხიდზე შემოწმების დროს დააკავეს, – წერს მედია.
დაკავება მესაზღვრეების მიერ ჩატარებული საზღვრის შემოწმების დროს მოხდა. 57 წლის მამაკაცი პოლონეთში შედიოდა.
მონაცემთა ბაზების შემოწმებისას გაირკვა, რომ უკრაინის მოქალაქე ინტერპოლის “წითელი ცირკულარით” ძებნილ პირთა სიაში ირიცხებოდა.
უზბეკეთის ხელისუფლებამ მის მიმართ დაკავების ორდერი სავარაუდოდ ჩადენილი ქურდობის საქმესთან დაკავშირებით გასცა.
მამაკაცი დაკავების შემდგომ სლუბიცეს პოლიციას გადასცეს.
შეგახსენებთ, რომ თებერვალში პოლონეთში დააკავეს უკრაინელი მამაკაცი, რომელსაც უკრაინული დაზვერვის სამსახურები ძვირფასი ქონების უკანონო მითვისებისთვის ეძებდნენ.
ასევე, ვარშავაში 70 კგ-ზე მეტი ნარკოტიკითა და ყალბი დოკუმენტებით უკრაინის მოქალაქე დააკავეს.