საფრანგეთის ულტრამემარჯვენე პარტია „ეროვნული გაერთიანების“ ლიდერი ჯორდან ბარდელა პარიზის პოლიციის განყოფილებაში მივიდა და სამართალდამცველებს მხარდაჭერა გამოუცხადა.
„აქ იმისთვის მოვედი, რომ პოლიციას ძალიან მტკიცე და ძალიან მკაფიო მხარდაჭერა გამოვუცხადო. გუშინ ისინი განსაკუთრებით რთულ პირობებში მოქმედებდნენ. გასულ ღამეს საფრანგეთი დაამცირეს იმ ძალადობით, რომელიც ყოველ ჯერზე უფრო მძაფრდება“, – განაცხადა ბარდელამ.
მისივე თქმით, საპროტესტო აქციაზე არასაკმარისი რაოდენობის სამართალდამცველი იყო. ბარდელას განცხადებით, მომხდარზე პასუხისმგებლობა შინაგან საქმეთა მინისტრმა უნდა აიღოს. მისივე განმარტებით, საფრანგეთში კანონი და წესრიგი აღარ არსებობს და ხელისუფლების აბსოლუტური პრიორიტეტი ქვეყანაში წესრიგის აღდგენა უნდა იყოს.
კომენტარები