საქართველოს პრეზიდენტის მიერ ოპოზიციურ პარტიებთან ერთად საკონსტიტუციო ცვლილებების ალტერნატიული დოკუმენტის შექმნას უმრავლესობის დეპუტატი ეკა ბესელია პარლამენტის სხდომაზე გამოეხმაურა.
“პრეზიდენტი არ აურჩევია ხალხს, როგორც კანონმდებელი, პრეზიდენტი არ არის კანონმდებელი” – აცხადებს ეკა ბესელია.
მისი თქმით, საკანონმდებლო ორგანოს კი ეს მანდატი ხალხისგან აქვს მინიჭებული.
„წარმოუდგენელია ის, რაც ახლა ხდება. სამ დღეში შექმნილი ახალი ვერსია თუ ახალი მოდელი კონსტიტუციის, რომელიც პრეზიდენტმა შექმნა პოლიტიკურ ჯგუფებთან ერთად. მინდა დავსვა კითხვა: რატომ არის იგნორირებული პროცესი, რომელიც 8 თვის განმავლობაში მიმდინარეობდა ინტენსიურ, თითქმის 24-საათიან რეჟიმში; პროცესი, რომელიც ყველაზე მნიშვნელოვანი ფილტრით – საერთო სახალხო, უპრეცენდენტო მასშტაბების განხილვით დასრულდა და რომელთაგან რამდენიმეში პრეზიდენტიც მონაწილეობდა. რა ლეგიტიმაცია შეიძლება ჰქონდეს ამ ახალ ვერსიას? პრეზიდენტი არ აურჩევია ხალხს, როგორც კანონმდებელი. საკანონმდებლო ორგანოს აქვს ხალხის მანდატი, რომ მან უნდა შექმნას კანონი და კონსტიტუციური რეფორმაც გაატაროს. როდესაც პრეზიდენტს, არბიტრის ნაცვლად ვხედავთ კანონმდებლის როლში, ეს ბუნებრივია, ქმნის კონფრონტაციის ახალ ველს“, განაცხადა ეკა ბესელიამ.