საქართველოს პრემიერ-მინისტრი გიორგი კვირიკაშვილი აშშ-ის პრეზიდენდ დონალდ ტრამპისა და მისი მეუღლის, მელანია ტრამპის სახელით გამართულ მიღებას დაესწრო, რომელზეც აშშ-ის პრეზიდენტმა და პირველმა ლედიმ გაერო-ს გენერალური ასამბლეის 72-ე სესიაში მონაწილე მსოფლიო ლიდერებს უმასპინძლეს.
მთავრობის ადმინისტრაციის პრესსამსახურის ცნობით, ოფიციალური მიღება აშშ-ის პრეზიდენტისა და პირველი ლედის სახელით, გაერო-ს გენერალური ასამბლეის სესიაში მონაწილე დელეგაციების ხელმძღვანელების პატივსაცემად, ტრადიციულად, ყოველწლიურად იმართება.
საქართველოს პრემიერ-მინისტრი გიორგი კვირიკაშვილი გენერალური ასამბლეის სესიაზე დღეს სიტყვით გამოვა.
კომენტარები