ეკა ბესელია – ასეთი რამ ვერც ერთმა ხელისუფლებამ დღემდე ვერ გააკეთა

ეს არის ბევრის დათმობა ხელისუფლების მხრიდან და მაქსიმალურად გაბედული ნაბიჯები ამ კომპრომისული წინადადებების გაზიარებისთვის, – ასე აფასებს საპარლამენტო უმრავლესობის წევრი ეკა ბესელია ვენეციის კომისიის დასკვნას, რომელიც გუშინ გამოქვეყნდა.
”ვენეციის კომისიის საქმიანობას ვინც იცნობს კარგად და მის დასკვნებსაც გაცნობია, ყველასთვის ნათელია, რომ ეს შეფასება არის დადებითი და ჩვენი კონსტიტუციური რეფორმის აღიარება. პროცესი იყო უნიკალური, რეფორმა არის სახელმწიფოებრივად მნიშვნელოვანი და ქვეყნის დემოკრატიული ინსტიტუტების გამაძლიერებელი, საპარლამენტო ძლიერი მოდელის საფუძვლის წინაპირობა. რეფორმის შედეგად მივიღებთ ძლიერ ინსტიტუტებს. მყარ გარანტიებს ადამიანის უფლებებისთვის, დამოუკიდებელი სასამართლოსთვის და ბალანსს ხელისუფლების შტოებს შორის. ეს კომპრომისების გზაა, ეს არის ბევრის დათმობა ხელისუფლების მხრიდან და მაქსიმალურად გაბედული ნაბიჯები ამ კომპრომისული წინადადებების გაზიარებისთვის. ასეთი რამ ვერც ერთმა ხელისუფლებამ დღემდე ვერ გააკეთა”, – განაცხადა ეკა ბესელიამ.