“მოსკოვში ჩასვლის გარეშე სოხუმსა და ცხინვალში ვერ დავბრუნდებით”

მისი თქმთ, მოსკოვში ჩასვლის გარეშე “ჩვენ სოხუმში და ცხინვალში ვერ დავბრუნდებით”. ამის შესახებ მან ბათუმში გამართულ აქციაზე განაცხადა.
“მოსკოვში მივდივართ პირველ ოქტომბერს, გვაქვს მნიშვნელოვანი შეხვედრები. სოხუმსა და ცხინვალზე ვისაუბრებთ, ხანგრძლივი საუბრები გველის წინ. მოსკოვში ჩასვლის გარეშე ჩვენ სოხუმში და ცხინვალში ვერ დავბრუნდებით. დიახ, ოკუპანტ ქვეყანას უნდა ესაუბრო, იმას უნდა ესაუბრა ვინც წაგართვა, ვინ გააკეთებს ამას ჩვენს გარდა. აღშფოთდება ევროპა და ამერიკა – დიდი მადლობა მათ ამისთვის, მაგრამ ეს არ არის საკმარისი. ძალიან ბევრ დროს ვკარგავთ, ტრაგიკული პროცესები მაინც ვითარდება ქვეყანაში. კრიტიკა გარდაუვალია, მაგრამ “რა აზრი აქვს მოსკოვში ჩასვლას?”- ეს შეკითხვა ჩემთვის გაუგებარია. ოკუპანტია ეს ქვეყანა და უნდა მწარედ გვახსოვდეს, რომ ჩვენ წავაგეთ, ჩვენ წაგვართვეს ტერიტორია და ჩვენ უნდა გადავდგათ პირველი ნაბიჯიც. ერთხელ წავედით მოსკოვში, მანამდე ერთი წუთით მაინც თუ შეჩერდა ოკუპაცია? რამემ შეაჩერა? კაი არ ჩავდივართ მოსკოვში, არასწორია ეს ნაბიჯი ბევრის აზრით, სახლებში რატო ვზივართ, მცოცავ ოკუპაციას რატომ არ ვაპროტესტებთ გვეზარება? მე არ მესმის. ჩვენი ორჯერ ჩასვლით მცოცავი ოკუპაცია არ შეჩერდება, მაგრამ გვექნება მძიმე და მწარე საუბარი და არცერთი თემა არ იქნება ტაბუდადებული. ამჯერად, გარდა სახელმწიფო დონის დეპუტატებისა, ფედერაციის საბჭოს დეპუტატებსაც შევხვდებით”, – განაცხადა ადა მარშანიამ.