გიორგი კვირიკაშვილის განცხადებით, ახალი კონსტიტუციის პროექტი, რომელსაც დრეს პარლამენტი მესამე მოსმენით განიხილავს, ჭეშმარიტად დემოკრატიული კონსტიტუციაა, განსხვავებით დღევანდელი კონსტიტუციისგან, რომელიც ერთი პარტიის და ერთი ადამიანის ინტერესებსაა მორგებული.
ამის შესახებ პრემიერმა მთავრობის დღევანდელ სხდომაზე ისაუბრა და აღნიშნა, რომ დღევანდელი დღე ისტორიულია, რადგან ქართველი ერტი ამ მემკვიდრეობისგან თავისუფლდება.
“მაქსიმალურად უნდა შევეცადოთ, რომ ჩვენს საერთაშორისო პარტნიორებს ავუხსნათ არსი იმ პროცესის, რომელსაც ახლა გავდივართ. ეს არის უმნიშვნელოვანესი პროცესი, და ნაბიჯები, რომელიც მმართველმა პარტიამ გადადგა ამ მიმართულებით, არის ისტორიულად უპრეცენდენტო. ჩვენ ძალიან მნიშვნელოვნად შემხვედრ ნაბიჯებზე წავედით პროცესში და ამ კომისიის მუშაობის დასრულების შემდეგაც, იმისათვის, რომ დაგვებალასებინა ინტერესები. ის, რომ პროცესის სხვაგვარად წარმოსახვას ცდილობს ჩვენი ოპოზიციის დიდი ნაწილი, არავითარ შემთხვევაში არ ნიშნავს იმას, რომ ეს არის დაუბალანსებელი კონსტიტუცია. თავისთავად არსი იმ ცვლილებების, რომელიც ჩვენ დღეს ახალი კონსტიტუციის სახით ვიღებთ, არსი არის უაღრესად დემოკრატიულიდ ა ასეთი ტიპის ცვლილებებზე ბევრი წლის განმავლობაში ბევრი ადამიანი იბრძოდა და წინა ხელისუფლების პირობებში ვერ მიაღწია ვერცერთი ასეთი ნაბიჯის გადადგმას. კონსტიტუცია, რომლითაც ჩვენ დღეს ვცხოვრობთ, გახლავთ სწორედაც ერთი პარტიის მიერ მიღებული და მორგებული იქნა ერთი ადამიანის ინტერესს. ჩვენ დღეს ამ მემკვიდრეობისგან ვთავისუფლდებით და ვიღებთ ჭეშმარიტად დემოკრატიულ კონსტიტუციას”, – განაცხადა პრემიერმა.