გიორგი მარგველაშვილი გმირთა მოედანზე მივიდა და სოხუმის დაცემის დღესთან დაკავშირებით გმირთა მემორიალი გვირგვინით შეამკო. პრეზიდენტის განცხადებით, 27 სექტემბერი არის ტკივილიანი, როდესაც ქვეყნის ერთიანობისათვის ბრძოლას გურამ გაბესკირიამ და უამრავმა ქართველმა შესწირა თავი.
საქართველოს პრეზიდენტმა გიორგი მარგველაშვილმა სოხუმის ყოფილ მერს, გურამ გაბესკირიას სიკვდილის შემდეგ საქართველოს ეროვნული გმირის წოდება მიანიჭა. პრეზიდენტმა ეროვნული ჯილდო გურამ გაბესკერიას ოჯახს გადასცა.
“დღეს, ჩვენი ეროვნული გლოვისა და დიდი ტრაგედიის დღეა. 1993 წლის 27 სექტემბერს დაეცა სოხუმი. მაშინ არაერთმა ქართველმა გმირმა შესწირა თავისი სიცოცხლე სამშობლოს დაცვას. გურაბ გაბისკირია 27 სექტემბერს ჟიული შარტავასთან ერთად ალყაში მოექცა და დახვრიტეს. როდესაც მას დაჩოქება უბრძანეს, უთხრა, რომ ამას არასდროს იზამდა. ასე წელგამართული შეეგება სიკვდილს. დღეს ამ ადამიანის ღვაწლს გამოვყოფთ და ვაჯილდოვებთ ჩვენი სამშობლოს უმაღლესი ჯილდოთი – ეროვნული გმირის წოდებით”, – განაცხადა გიორგი მარგველაშვილმა.
სოხუმის მერი გურამ გაბესკირია 1993 წლია 27 სექტემბერს აფხაზეთის მინისტრთა საბჭოს შენობის შტურმისაას სეპარატისტებმა ტყვედ აიყვანეს. ის ჟიული შარტავასთან და 27 ადამიანთან ერთად დახვრიტეს.