ნიკოლოზ შენგელაია ასავალ-დასავალისთვის მიცემულ ინტერვიუში აცხადებს, რომ ის პირადად ესაუბრა გლეხებს, რომლებიც ქვეყანაში მიმდინარე ცვლილებებით კმაყოფილები არიან, მისივე თქმით, ქვეყანაში 120 საწარმოზე მეტი გაიხსნა.
“მთავარია, რომ ხელისუფლება სტრესულ სიტუაციას არ ქმნის, ტერიტორიები არ დაუკარგავს, მათ განცხადებებს ომი არ მოჰყოლია… საკუთარი თვალით მაქვს ნანახი ის მშენებლობები, რაც ქვეყანაში მიმდინარეობს, 120 საწარმოზე მეტი გაიხსნა, პირადად ვესაუბრე გლეხებს, კმაყოფილი არიან ამ ცვლილებებით. ჯანმრთელობის საყოველთაო დაზღვევამ და „ცე“ ჰეპატიტის პროგრამამ ძალიან ბევრი ადამიანი სიკვდილს გადაარჩინა. ბიზნესი თავისუფალია, მიმდინარეობს ევროპასთან ვიზალიბერალიზაციის პროცესი… უბრალოდ, ამ ყველაფრის საჯაროდ გამოსატანად “ოცნებას” აქტიური პიარი არ ჰქონდა“ – აცხადებს შენგელაია „ასავალ-დასავალთან“ ინტერვიუში.