თავდაცვის სამინისტროს ბიუჯეტი 10 მილიონი ლარით იზრდება, – ამის შესახებ თავდაცვის მინისტრმა, ლევან იზორიამ ჟურნალისტებს განუცხადა.
„ჩვენ იმ დანაპირებს, რომელიც ნატო-ს სტანდარტების განხორციელებას უკავშირდება, განსაკუთრებით შეიარაღების ნაწილში, შევასრულებთ. კიდევ უფრო გავზრდით პროცენტულ მაჩვენებელს, რომელიც შეიარაღების შესყიდვებს უკავშირდება.
ეს თანხა მიმართული იქნება იმ 15-პროცენტიანი ნიშნულის დასაკმაყოფილებლად, რომელიც ნატო-ს სტანდარტითაა გათვალისწინებული“, – განაცხადა იზორიამ.
კომენტარები