გუშინ აქციის მონაწილეები კანონის ჩარჩოებიდან გავიდნენ და სახელმწიფოს მხრიდან რეაგირება შესაბამისი იყო, – ამის შესახებ პარლამენტის პირველმა ვიცე-სპიკერმა თამარ ჩუგოშვილმა თბილისის მერიასთან გუშინ “ნაციონალური მოძრაობის” მიერ ორგანიზებული აქციის კომენტირებისას განაცხადა.
“უკვე დიდი ხანია მშვიდობიან პროტესტს არავინ არავის უზღუდავს, მაგრამ აქციის მონაწილეებმაც კანონის ელემენტარული მოთხოვნები უნდა დაიცვან. გუშინ აქციის მონაწილეები კანონის მოთხოვნების ჩარჩოებიდან გავიდნენ და რა თქმა უნდა სახელმწიფოს მხრიდან რეაგირება შესაბამისი იყო. თუ სამართალდამცავების მხრიდან რაიმე გადამეტების ფაქტები არსებობს, ამაზე შესაბამისი სამართლებრივი რეაგირება ხდება ხოლმე. გუშინ რაც ვიხილეთ, ეს აქციის მონაწილეების მხრიდან კანონის სრული იგნორირება იყო. პარლამენტის წევრს რა თქმა უნდა მერიაში შესვლის უფლება აქვს, გუშინ იქ ცოტა არასტანდარტული მდგომარეობა იყო და შეიძლება ამით იყო გამოწვეული”,- განაცხადა ჩუგოშვილმა.