დავით აღმაშენებლის გამზირზე დღეს მომხდარ ინციდენტთან დაკავშირებით, რა დროსაც 7 წლამდე ბიჭი დაშავდა, ბიზნესცენტრის ადმინისტრაცია, რომლის შენობის მეხუთე სართულიდანაც გადავარდა ბავშვი, სპეციალურ განცხადებას ავრცელებს. ადმინისტრაცია განცხადებაში მომხდარის მიზეზს დეტალურად აღწერს და დაშავებულის მკურნალობის ხარჯების ანაზღაურებაზე მზადყოფნას გამოთქვამს.
“დღეს მომხდარ ფაქტთან დაკავშირებით გაცნობებთ, რომ ბიზნესცენტრი “მოზაიკას“ ტერიტორაიზე არსებულ საკონცერტო დარბაზში მოხდა ინციდენტი. კერძოდ, მესამე სართულზე არსებულ დარბაზის მოსაცდელში დაახლოებით 2 მეტრის სიმაღლიდან მოხდა არასრულწლოვნის ჩავარდნა მეორე სართულზე ჩამავალ კიბეებზე რაც გამოწვეული იყო იმით, რომ კიბეების მოაჯირიდან, რომელზეც უსაფრთხოების მიზნით დალაგებული იყო სავარძლები, თვითნებურად დამსწრე ადამიანების მიერ, მოხდა სავარძლების სხვა ადგილზე გადატანა და მოაჯირის ქვეშ გამოთავისუფლდა ადგილი, რა დროსაც ბავშვი მიეყუდა მოაჯირს და ჩავარდა დაახლოებით 2 მეტრის სიმაღლიდან.
საბედნიეროდ ბავშვი კარგად არის. მის ჯამრთელობას საფრთხე არ ემუქრება.
ბიზნეს ცენტრის ადმინისტრაცია პასუხისმგებლობას იღებს აღნიშნულთან დაკავშირებით და მზადყოფნას გამოთქვამს უზრუნველყოს ნიკოლოზის ჯანმრთელობასთან დაკავშირებით ყველანარი ხარჯის დაფარვა“, – ნათქვამია განცხადებაში.
დღეს მომხდარ საქმესთან დაკავშირებით გამოძიება 124-ე მუხლით მიმდინარეობს.