ზვიად გამსახურდიას ვაჟი, კონსტანტინე გამსახურდია სოციალურ ქსელში, “კურიერში” გასულ სიუჟეტს ეხმაურება.
“კიდევ ერთხელ გუშინდელ თემაზე – ზვიად გამსახურდიას საქმის ე.წ. მთავარი მოწმეები კურიერში.
“დიდოსტატის” ფინალურ ნაწილში არის ასეთი სცენა – როდესაც გიორგი მეფე დაკრძალეს საშინელ ქარ-წვიმაში, ხოლო დიდებულები, სამღვდელონი და უბრალო ხალხი წავიდ-წამოვიდნენ, მოხუცმა მესაფლავემ ეს უთხრა ახალგაზრდას:
“არც სიკვდილში ქონიაო მეფე გიორგის ბედი”.
გუგუშვილმა ფაქტობრივად ეს თქვა: ქართველმა ხალხმა ცოცხალი ზვიად გამსახურდია ჩვენ სამს შემოგვტენა, ახლა კი მკვდარს გვტენისო.
ხოლო 7 წლის წინ მან კატეგორიულად გამორიცხა დროებით საპარლამენტო კომისიასთან რაიმე სახის თანამშრომლობა. მე, როგორც კანონიერ ხელისუფალს ემიგრაციაში შემიძლია თქვენი, როგორც უკანონო ხელისუფლების რგოლის დაპატიმრებაო.
დიახ, ზვიად გამსახურდიას არც სიცოცხლეში ქონია ბედი, არც სიკვდილში. სხვა საკითხია, რომ გმირის წარუვალი სუბსტანცია სწორედ უბედობის ავდარში იჭედება.” – წერს გამსახურდია.