ზუგდიდში კოსტავას ქუჩაზე მდებარე ოქროს ბირჟა ცოტა ხნის წინ დააყაჩაღეს. თვითმხლველების ცნობით, ახალგაზრდა კაცი შენობაში შევიდა და ერთ-ერთი დახლიდან ოქროს ნივთები გაიტაცა.
გაქცეულს მოვაჭრეებთან ერთად სამართალდამცველებიც გაეკიდნენ, თუმცა მისი დაკავება ვერ მოხერხდა. მოვაჭრეების თქმით, დევნისას მძარცველმა ერთ-ერთ პოლიციელს დანით ჭრილობა მიაყენა. ამ ინფორმაციას ნაწილობრივ ადასტურებს შსს და აცხადებს, რომ პოლიციელმა დევნისას თავად მიიღო შემთხვევით დაზინება და სამედიცინო დაწესებულებასაც თავადვე მიმართა.
შემთხვევის ადგილზე პოლიცია მუშაობს.გამოძიება 178 მუხლით დაიწყო, რაც ძარცვას გულისხმობს.
კომენტარები