“გადახდა განხორციელდა იმის გამო, რომ კერძო ბრალდებები მოგვარებულიყო და იმისათვის, რომ პრეზიდენტის ოჯახი დაცული ყოფილიყო. ამას მაინც გავაკეთებდით, მიუხედავად იმისა, გახდებოდა ის კანდიდატი თუ არა”, ამბობს ჯულიანი.
ჯულიანიმ მანამდე ტელეკომპანია Fox news-სთან საუბრისას თქვა, რომ ტრამპმა თავის ადვოკატს მაიკლ კოენს 130 ათასი დოლარი აუნაზღაურა, რომელიც მან სტორმი დენიელსს (ნამდვილდი სახელი სტეფანი კლიფორდი) დუმილისთვის გადაუხადა.
ჯულიანის განცხადების შემდეგ, თეთრი სახლი იძულებული გახდა ეღიარებინა, რომ ტრამპმა რაღაც მომენტში გაიგო, რომ პორნომსახიობს ფული გადაუხადეს, თუმცა მანამდე ირწმუნებოდა, რომ ამის შესახებ არაფერი იცოდა.
ჯულიანის განცხადებამ შესაძლოა ტრამპს იურიდიული პრობლემები შეუქმნას. თავად ტრამპმა კი თქვა, რომ ჯულიანიმ საქმეში გარკვევა ახლახანს დაიწყო და ამიტომ “მალე დალაგდება”.
იმედინიუსი