“თეთრი ხმაურის” მოძრაობის ინფორმაციით, წუხანდელი სპეცოპერაციისას ადმინისტრაციული წესით დაკავებული 3 პირი გაათავისუფლეს. მოძრაობის ადვოკატი გიორგი სანიკიძე ამბობს, რომ გათავისუფლდნენ ბექა წიქარიშვილი, “ბასიანის” თანამშრომელი ბექა ჭინჭარაული და ბრიტანეთის მოქალაქე მაილო ტრავერსი.
ადვოკატს ამ ეტაპზე არ აქვს ინფორმაცია ადმინისტრაციული წესით კიდევ რამდენი პირია დაკავებული. მისი თქმით, აქციებზე დაკავებულთა რაოდენობა ბევრია და წინასწარი დაკავების იზოლატორში ადგილების უკმარისობის გამო მათი ნაწილი რუსთავის, გორის, მცხეთის, მარნეულის და საგარეჯოს იზოლატორებში მოათავსეს.
თეთრი ხმაურის მოძრაობა 15 საათზე პარლამენტთან აქციას აანონსებს.
კომენტარები