ნარკორკორეალიზაციისთვის დიღომში დაკავებული პირის ადვოკატი მისი დაცვის ქვეშ მყოფის აყვანის დეტალებს ყვება. გიორგი ფანცულაია ამბობს, რომ ბრალდებული საკუთარი მანქანით მოძრაობდა, რა დროსაც პოლიციამ გაჩერება მოსთხოვა, სამართალდამცველებს დაემორჩილა და წინააღმდეგობა არ გაუწევია.
ფანცულაიას თქმით, დაკავებულს პირადი ჩხრეკა ჩაუტარდა, გაიჩხრიკა მისი სახლი და ავტომანქანაც, თუმცა რაიმე ნარკოტიკული საშუალება ძალოვნებს არ ამოუღიათ.
ადვოკატი აცხადებს, რომ მისი დაცვის ქვეშ მყოფი მარტო აიყვანეს და ნარკოდანაშაულისთვის დაკავებულ სხვა 7 პირს არ იცნობდა.
წუხელ შსს-ს სპეცდანიშნულების რაზმების მიერ განხორციელებული სპეცოპერაციის ფარგლებში დაკავებული რვიდან ერთ-ერთი პირი დიღომში აიყვანეს. შსს-ს განცხადებით, სპეცოპერაციის დროს ადმინისტრაციული წესით დაკავებული ყველა ადამიანი უკვე გათავისუფლებულია. იზოლატორში მხოლოდ ისინი რჩებიან, ვისაც პოლიცია ნარკოტიკების რეალიზაციას უყენებს ბრალად.