შინაგან საქმეთა სამინისტრომ თბილისში „ლიბერთი ბანკის“ დაყაჩაღების ფაქტზე ერთი პირი დააკავა.
საგამოძიებო მოქმედებების შედეგად ყაჩაღობის ბრალდებით დაკავებული 1967 წელსაა დაბადებული. დანაშაული 5-დან 7 წლამდე ვადით თავისუფლების აღკვეთას ითვალისწინებს.
გამოძიების ინფორმაციით, ბრალდებული მიმდინარე წლის 16 მაისს თბილისში, რობაქიძის გამზირზე მდებარე „ლიბერთი ბანკში“ შეიჭრა და სიცოცხლის ხელყოფის მუქარით 4580 ლარი, 200 ევრო და 100 აშშ დოლარი გაიტაცა. გატაცებული თანხის ნაწილი ამოღებულია ნივთმტკიცების სახით.
გამოძიება ყაჩაღობის ფაქტზე, საქართველოს სსკ-ს 179-ე მუხლის 1-ლი ნაწილით მიმდინარეობს.
კომენტარები