საქართველოს შინაგან საქმეთა მინისტრმა გიორგი გახარიამ პარლამენტში სიტყვით გამოსვლისას 12 მაისის ღამეს კლუბებში ჩატარებულ სპეცოპერაციაზე ილაპარაკა. მისი განმარტებით, ორი ძირითადი კომპონენტი იყო, რის გამოც,ღონისძიების ჩატარება გადაწყდა: პირველი აბსოლუტურად ნათელი მტკიცებულებები და მეორე ოპერატიული ინფორმაცია.
“როდესაც გარკვეული სოციუმი გვიმტკიცებს, რომ კლუბებში ასეთი რამე არ ხდება და როდესაც ჩვენ გვაქვს კონკრეტული ფაქტები და როდესაც არც ერთი შემთხვევა არ ყოფილა, რომ კლუბების ხელმძღვანელებს მიემართ შს სამინისტოსთვის და ეთხოვათ მოგვეხმარეთ ამ პრობლემის გადაწყვეტაში, რა თქმა უნდა, ეს არის სისტემური პრობლემაა.
კლუბური ცხოვრებით დაწყების წინ დაკავებული იყო 8 რეალიზატორი. მაქსიმალურად ვეცადეთ ეს ხალხი დაგვეკავებინა კლუბების გარეთ. ერთადერთმა უბრალოდ მიგვასწრო. პოლიციელებმა ყველაფერი გააკეთეს, იმისთვის რომ ამ ხალხის დაკავება მომხდარიყო კლუბების გარეთ. მეორე ჩვენ გვქონდა განჩინება კლუბის ჩხრეკაზე და არა ადამიანების. შესაბამისად ჩვენ შევედით იმ კლუბებში ოპერატიული ინფორმაციის საფუძველზე და იმ მტკიცებულებების საფუძლელზე, რომელიც მოგროვილი იყო 3 თვის განმავლობაში. კლუბში იყო მინინალური რაოდენობა ხალხის მაქსიმალურად ფხიზელ მდგომარეობაში, მათ არ ჰქონდათ არანაირი კავშირი ამ ოპერაციასთან. ამიტომ შევედით და ბოდიში მოვუხადეთ. ვერ მანახებთ ვერც ერთ დაზარალებულს ვინც მიმართა რომელიმე ჯანდაცვის დაწესებულებას,”- თქვა გახარიამ.
მისივე თქმით, უწყება ევროპელ პარტნიორებთან ერთად მუშაობს.
„ეს ჩვენი საგამოძიებო ღონისძიება არის მხოლოდ და მხოლოდ დასაწყისი, ეს არის პირველი ნაბიჯები იმ ქსელის გამოვლენისთვის. აქ ჩვენ მარტო არ ვმუშაობათ, ვმუშაობთ ევროპელ პარტნიორებათან ერთად. ჩვენ გვაქვს დასაბუთებული ეჭვი რომ ეს არის ქსელი, კარგად ორგანიზებული ქმედებების ჯაჭვი, რომელსაც მივყავართ ფატალურ შედეგებამდე. ჩვენ დავინახეთ რისკი რომ ეს ინფრასტრუქტურა რომელიც არის შექმნილი ეფექტურად გამოიყენონ ნარკოვაჭრობისთვის ფლატფორმად.“ – თქვა გახარიამ.