კიევში რუს ჟურნალისტ არკადი ბაბჩენკოს თავს დაესხნენ. მკვლელობა დნეპროვსკის რაიონში, ბაბჩენკოს საცხოვრებელ სახლთან მოხდა.
არსებული ინფორმაციით, ჟურნალისტის მეუღლემ სროლის ხმა გაიგო, ცოტა ხანში დაჭრილი ბაბჩენკო ნახა. ჟურნალისტს ჭრილობა ცეცხლსასროლი იარაღით ზურგის არეში აქვს მიყენებული. ბაბჩენკო საავადმყოფოში გადაყვანის დროს, გზაში გარდაიცვალა.
როგორც BBC წერს, არკადი ბაბჩენკო „მასკოვსკი კამსამოლეცში“ სამხედრო ჟურნალისტად მუშაობდა. ასევე თანამშრომლობდა „ნოვაია გაზეტასთან“ და სხვა გამოცემებთან.
BBC-ის ცნობით, ჟურნალისტი ოკუპირებული სამხრეთ ოსეთისა და აღმოსავლეთ უკრაინის კონფლიქტებს აშუქებდა.
კომენტარები