ჟურნალისტი არკადი ბაბჩენკო უკრაინის პრეზიდენტს შეხვდა.
პეტრო პოროშენკოს განცხადებით, დაგეგმილი სპეცოპერაციის შესახებ, რომლის დროსაც რუსი ჟურნალისტის მკვლელობის ინსცენირება მოხდა, ძალოვანი უწყებების წარმომადგენლებმა მას წინასწარ აცნობეს.
პრეზიდენტმა უკრაინის უსაფრთხოების სამსახურების მუშაობა რუსეთის აგრესიისთვის წინააღმდეგობის გაწევის კუთხით დადებითად შეაფასა.
რუსი ოპოზიციონერი ჟურნალისტი, რომლის მკვლელობის შესახებ უკრაინული პოლიცია იუწყებოდა, ცოცხალი აღმოჩნდა. უკრაინის უსაფრთხოების სამსახურის ხელმძღვანელის, ვასილი გრიცაკის განცხადებით, ჟურნალისტის მკვლელობა რუსულმა სპეცსამსახურებმა შეუკვეთეს. ასევე, უკრაინული სპეცსამსახურების მიერ ჩატარებული სპეცოპერაციის ფარგლებში დაკავებულია ბაბჩენკოს მკვლელობის მცდელობის ორგანიზატორი.
კომენტარები