აშშ-ს პრეზიდენტი დონალდ ტრამპის ადმინისტრაცია თეთრი სახლის ლიდერის რუსეთის პრეზიდენტ ვლადიმერ პუტინთან შეხვედრის მომზადებაზე მუშაობს. ამის შესახებ ადმინისტრაციაში ორ სხვადასხვა წყაროზე დაყრდნობით გამოცემა The Wall Street Journal წერს.
„შეხვედრის შედეგად შესაძლოა, შემცირდეს ორ ქვეყანას შორის დაძაბულობა, რომელმაც „ცივი ომის“ მასშტაბებს მიაღწია“, – ნათქვამია სტატიაში.
1-ელ ივნისს ერთ-ერთმა მაღალჩინოსანმა განაცხადა, რომ რუსეთში აშშ-ს ელჩი ჯონ ჰანტსმანი ვაშინგტონში იმყოფება, რათა მონაწილეობა მიიღოს ტრამპისა და პუტინის შეხვედრის ორგანიზებაში.
მისივე თქმით, შეხვედრის დაგეგმვა ჯერ ადრეულ სტადიაშია, როდესაც ორივე ქვეყანამ შეხვედრის თარიღი და ადგილი უნდა შეათანხმონ.
კომენტარები