ტაილანდში ამ დრომდე გამოქვაბულში ჩარჩენილი 12 ბავშვის ამოყვანას ცდილობენ.
სამაშველო ოპერაციის მე-9 დღეს ფეხბურთელები და მათი მწვრთნელი ბრიტანელმა მყვინთავებმა ცოცხლები იპოვეს.
11-დან 16 წლამდე ასაკის 12 მოზარდი და მათი 25 წლის მწვრთნელი 23 ივლისს დაიკარგნენ. ისინი გამოქვაბულში შევიდნენ, მოულოდნელად ძლიერი წვიმა წამოვიდა გამოქვაბული წყლით აივსო და ჯგუფი მღვიმედან გარეთ ვეღარ გამოვიდა. დაკარგულები 9 დღის შემდეგ გამოქვაბულის შესასვლელიდან ოთხი კილომეტრის მანძილზე აღმოაჩინეს.
როგორც მაშველებმა დაადგინეს, ბავშვები გამოქვაბულის შიგნით მშრალ ადგილას გადაადგილდებოდნენ, თუმცა წყლის დონე სულ უფრო იზრდებოდა და მალე ვიწრო გვირაბები ტალახითა და ნაგვით ამოავსო. მყვინთავებს გადაადგილება თითქმის სრულ სიბნელეში უწევდათ.
როგორც BBC წერს, შესაძლოა, გამოქვაბულიდან გამოსასვლელად, ბავშვებს ყვინთვის სწავლა მოუწიოთ, თუმცა სპეციალისტები აღნიშნავენ, რომ გამოუცდელი მოზარდების წაყვანა ტალახითა და მღვრიე წყლის სავსე ვიწრო დერეფნებში, სარისკოა. გამოქვაბულიდან წყლის ამოტუმბვის მცდელობა კი ჯერჯერობით წარუმატებლად მიმდინარეობს. მღვიმეში წყლის დონის დაწევას სავარაუდოდ რამდენიმე თვე დასჭირდება.