კანადის პროვინცია კვებეკში სიცხის გამო უკვე 50 ადამიანი გარდაიცვალა. ამის შესახებ გამოცემა Montreal Gazette-ი იუწყება. კვებეკის ჯანდაცვის მინისტრმა, ლუსი ჩარლბუამ გარდაცვლილთა ასეთი რაოდენობა ოფიციალურად დაადასტურა.
გამოცემის ცნობით, კანადის გარემოს დაცვის სამინისტრომ მონრეალის გაფრთხილება სიცხისა და შტორმის შესახებ გააუქმა.
„საფრთხის დონე, ტენიანობის დონის შემცირების მიუხედავად, ისევ მაღალია“, – აცხადებს გადაუდებელი დახმარების სამსახურის წარმომადგენელი სტეფან ოვერჰოფი.
მანამდე ამ სამსახურში აცხადებდნენ, რომ მათთან ყოველდღიურად დაახლოებით 1,2 ათასი ზარი შედის. მოსახლეობა ჯანმრთელობის პრობლემების გამო რეკავს. ქალაქის ხელისუფლებამ სასწრაფო ზომები უკვე მიიღო, მათ შორის გაახანგრძლივეს აუზების მუშაობის დრო
კომენტარები