პატივი ეცით თქვენს მოკავშირეებს, რადგან ბევრი არ გყავთ ,- ამ სიტყვებით ევროკავშირის საბჭოს პრეზიდენტმა, აშშ-ის ხელისუფლებას, ევროკავშირ-ნატოს თანამშრომლობის შეთანხმების ხელმოწერის შემდეგ მიმართა.
„ნატო-ს სამიტის წინ მინდა პირდაპირ მივმართო პრეზიდენტ ტრამპს, რომელიც დიდი ხანია და თითქმის, ყოველდღიურად აკრიტიკებს ევროპას, მისივე შეფასებით, არასაკმარისი წვლილის შეტანისთვის საერთო თავდაცვის შესაძლებლობისთვის. ბატონო პრეზიდენტო, ამერიკას არ ჰყავს და არც ეყოლება ევროპაზე უკეთესი პარტნიორი. ევროპა თავდაცვაში უფრო ბევრ ფულს ხარჯავს, ვიდრე რუსეთი და იმდენს რამდენსაც ჩინეთი. ეჭვი არ გვეპარება, ალბათ, იმაში, რომ ეს არის ინვესტიცია აშშ-ს და ევროპის თავდაცვისა და უსაფრთხოებაში. მინდა ორი რამ ვთქვა ამერიკელებო, დააფასეთ თქვენი მოკავშირეები, რადგან ბევრი არ გყავთ, ევროპელებო თქვენ კი გაზარდეთ თავდაცვის ხარჯები, რადგან ყველა ელის, რომ თავისი მოკავშირე კარგად მომზადებული და აღჭურვილია. ფული მნიშვნელოვანია, მაგრამ სოლიდარობა უფრო მნიშვნელოვანია. ამერიკის პრეზიდენტი კი ამბობს, რომ მარტო იცავს ევროპას მტრისგან და ამ ბრძოლაშიც მარტოა. მაგრამ ევროპა პირველი იყო, რომელიც სექტემბრის ტერაქტების შემდეგ გამოეხმაურა აშშ-ის მოწოდებას, ევროპელი ჯარისკაცები იბრძოდნენ ამერიკელების მხარდამხარ ავღანეთში. ბატონო პრეზიდენტო, გაიხსენეთ ეს ყველაფერი ხვალისთვის, როდესაც ნატო-ს სამიტზე შევხვდებით და განსაკუთრებით მაშინ, როდესაც პრეზიდენტ პუტინს შეხვდებით ჰელსინკიში, ყოველთვის ღირს იცოდე, ვინ არის შენი მეგობარი და სტრატეგიული პარტნიორი,“ – განაცხადა დონალდ ტუსკმა.