საბერძნეთის სამოქალაქო თავდაცვის მინისტრი ნიკოს ტოსკასი ხანძრის მიზეზად ცეცხლის განზრახ წაკიდებას ასახელებს.
„გამოძიების თანახმად, ჩვენ სერიოზული საფუძველი გვაქვს ვიფიქროთ, რომ ადგილი ჰქონდა კრიმინალურ ქმედებას. ხანძრის არაერთი კერა დროის მცირე მონაკვეთში წარმოიქმნა“, – აცხადებს მინისტრი.
საბერძნეთში, ათენსა და კორინთს შორის მდებარე დასახლებასთან, კინეტასთან ახლოს, გერმანიის მთაზე ცეცხლი ფიჭვნარს გაუჩნდა, მოგვიანებით კი, ის დასახლებულ ადგილსაც მიუახლოვდა.
ხანძრის შედეგად 85 ადამიანი დაიღუპა. დაშავდა – 187, მათ შორის, 23 ბავშვია. უგზოუკვლოდ დაკარგულად 100-ზე მეტი ადამიანი ითვლება.
დღეს გავრცელდა ინფორმაცია, რომ მაშველებმა ხანძრის ლოკალიზება მოახერხეს.
24 ივლისს ქვეყანაში სამდღიანი გლოვაა გამოცხადდა.
კომენტარები