კოჯრის სერჟანტთა მომზადების აკადემიაში მომხდარი ინციდენტის დეტალებზე თავდაცვის სამინისტროში იმსჯელეს.
სამხედრო პოლიციის დეპარტამენტის გამოძიების მთავარი სამმართველოს უფროსის მოადგილე ირაკლი ბაზერაშვილი აცხადებს, რომ 1 აგვისტოს საღამოს საათებში სერჟანტთა მომზადების აკადემიაში, სამხედრო მოსამსახურეები ერთმანეთს ფიზიკურად დაუპირისპირდნენ. რომლის შედეგადაც სხეულის სხვადასხვა სახის დაზიანება მიიღო ხუთმა სამხედრო მოსამსახურემ, მათ შორის სამმა – ცივი იარაღით.
ხუთივე სამხედრო მოსამსახურე გადაყვანილია ჰოსპიტალში. ირაკლი ბაზერაშვილის თქმით, მათ სიცოცხლეს საფრთხე არ ემუქრება.
თავდაცვის სამინისტრო უარყოფს გავრცელებულ ცნობას იმის შესახებ, რომ ჩხუბის დროს ხიშტ-დანებიაგამოყენებული.
სამინისტროში განმარტავენ, რომ შემთხვევის ადგილას სამხედრო პოლიცია უნდა ყოფილიყო, თუმცა რატომ არ იყვნენ, ამას გამოძიება გაარკვევს.
რაც შეეხება ჩხუბის დაწყების მიზეზს, ირაკლი ბაზერაშვილი განმარტავს, რომ ის საყოფაცხოვრებო ნიადაგზე დაიწყო.