თურქეთში ძალადობისა და ქურდობის ბრალდებით საქართველოს ორი მოქალაქე დააკავეს. როგორც თურქული მედია იუწყება, მათი დაკავება ანტალიაში 2 აგვისტოს მოხდა.
თურქული მედიის ინფორმაციით, ისინი ერთ-ერთი მცხოვრების სახლში შეიჭრნენ, ფიზიკურად გაუსწორდნენ სახლის ბინადრებს და სახლიდან ძვირფასი ნივთები წაიღეს.
საქართველოს ორ მოქალაქესთან ერთად მათი თურქი თანამზრახველიც იყო. პოლიციამ ისინი სასტუმროში ადანას პროვინციაში აღმოაჩინა, სადაც მათი დაკავება მოხდა.
დაკავებულებმა აღიარეს დანაშაული. აღსანიშნავია, რომ პოლიციის განყოფილებაში დაკავებულების გადაყვანისას მათ დაზარალებულების ახლობლები დახვდნენ, რომლებიც ანგარიშსწორებას შეეცადნენ.
კომენტარები