ბუდაპეშტის აეროპორტის ერთ-ერთი ტერმინალი სამი საათის განმავლობაში დაიკეტა. მიზეზი რუსეთიდან ჩამოტანილი ტვირთი იყო. ყუთში რადიოაქტიური ნივთიერება აღმოაჩინეს. ინფორმაციას უნგრეთის ხელისუფლებაზე დაყრდნობით, Reuters-ი ავრცელებს.
სპეციალურმა სამსახურმა თვითმფრინავი მას შემდეგ შეამოწმა, რაც ტემპერატურამ სალონში დასაშვებზე მეტად მოიმატა. გაირკვა, რომ გადახურდა ყუთი, რომელშიც იროდიუმის იზოტოპი ინახებოდა.
ყუთში არსებული რადიოაქტიური ნივთიერების გამო მგზავრები არ დაშავებულან. სპეციალისტების თქმით, ნივთიერება ჰაერში არ მოხვედრილა.
ყუთი სტამბული-ბუდაპეშტის რეისზე აღმოაჩინეს. ის უნგრულმა კომპანიამ რუსეთში შეუკვეთა. აეროპორტის ხელმძღვანელობის განცხადებით, ტერმინალის დაკეტვის გამო რეისები გადაიდო.
კომენტარები