ინდოეთის შტატ კერალაში წყალდიდობის შედეგად დაღუპულთა რაოდენობა 73-მდე გაიზარდა. მანამდე ცნობილი იყო, რომ ძლიერი წვიმების შედეგად ქვეყნის სამხრეთით რამდენიმე დღეში 37 ადამიანი დაიღუპა. ამის შესახებ BBCწერს.
წყალდიდობამ 85 ათასზე მეტი ადამიანი უსახლკაროდ დატოვა. ოფიციალური ინფორმაციით, მათი უმეტესობა წყალდიდობით გამოწვეულმა მეწყერმა იმსხვერპლა.
უამინდობის გამო, 20 აგვისტომდე დაიკეტა ინდოეთის ყველაზე დატვირთული, კოჩის საერთაშორისო აეროპორტი. დახურულია კერალას 14 დასახლების ყველა სკოლა, ზოგ რეგიონში კი, უსაფრთხოების ზომების დაცვისთვის, ტურისტების მიღება აკრძალეს.
კერალაში მოედინება 44 მდინარე, რომელიც არაბეთის ზღვაში ჩაედინება. მათ ადიდებას ყოველწლიურად ათობით ადამიანი ეწირება.
ინდოეთის პრემიერმინისტრმა და შს მინისტრმა შტატს უკვე შესთავაზეს ფედერალური ძალების დახმარება.