მიშელ პლატინი უეფა-ს თავმჯდომარის თანამდებობას ორგანიზაციის მორიგ კონგრესზე ოფიციალურად დატოვებს. BBC-ის ინფორმაციით, ამის შესახებ, ნათქვამია პლატინის ადვოკატთა განცხადებაში.
უეფა-ს კონგრესი 2017 წელს ჰელსინკიშია დაგეგმილი, თუმცა არ გამორიცხავენ, რომ ორგანიზაციის წევრებმა რიგგარეშე შეხვედრა დანიშნონ.
დღეს ლოზანის საარბიტრაჟო სასამართლომ პლატინის საფეხბურთო საქმიანობის აკრძალვის ვადა ექვსიდან ოთხ წლამდე შეამცირა. ამავე დროს სასამართლომ პლატინისთვის დაკისრებული ჯარიმა 82,6 ათასი დოლარიდან 62 ათასამდე შეამცირა. თუმცა მიშელ პლატინი საფეხბურთო საქმიანობის შეჩერების სრულ გაუქმებას ითხოვდა.
მიშელ პლატინის უეფა-ს ხელმძღვანელის მანდატის ვადა 2019 წელს იწურება.
კომენტარები